Në COD u organizuar një tryezë e rrumbullakët në nivel rajonal me pjesëmarrjen e “UN Women” në Shqipëri, znj Senida Mesi, përfaqësues të rëndësishëm nga Banka Botërore (#BB) si dhe partnerë ndërkombëtarë, me qëllim shkëmbimin rajonal të eksperiencave, të mirë-funksionimit dhe efektivitetin e mekanizmave Kombëtar për Barazinë Gjinore.

Autorja Linda Phillips, solli këtë pasdite në COD, librin mbi historinë e dhimbshme të humbjes së djalit të saj në luftën me depresionin e rëndë. Luftën personale në kapërcimin e dhimbjes e kthimin e saj në forcë.
Në panel: Eridana Çano, Drejtoreshë e Përgjithshme e Agjencisë për Dialog dhe Bashkëqeverisje, Linda Philips shkrimtare e aktiviste, Adrian Laperi, botues, Neli Demi, Psikoterapeut. Nën moderimin e znj. Delina Fico, me tej të ftuarit dhe dashamirësit e librit, bashkëbiseduan rreth temës që kjo vepër trajton, rritjen e ndërgjegjësimit për trajtimin e sëmundjeve që prekin shëndetin mendor.

Një ligjëratë e hapur informuese nga Z. Slavomír Michálek, Drejtor, Instituti i Historisë i Akademisë e Shkencave Sllovake, mbi 50- vjetorin e ngjarjeve të ndodhura në ish-Çekosllovaki, zhvillimet politike dhe marrëdhëniet mes dy popujve, Sllovakë dhe atyre Çekë.

Lidhja e veçantë e Alessando Leogrande me Shqipërinë, vepra dhe risitë që solli pena e tij në gazetarinë dhe letërsinë italiane por jo vetëm, ishin në qendër të bisedës së sotme të mbajtur në Bibliotekën e Kryeministrisë.

Të pranishmit lexuan pjesë të përzgjedhura nga vepra e autorit; "Kufiri" e "Mbytja e Anijes", të cilat përcollën shumë emocion te paneli dhe publiku.

Falenderojmë Arlinda Dudaj dhe Botimet Dudaj, Ambasciata d'Italia a Tirana e veçanërisht ambasadorin Alberto Cutillo, themeluesin e revistës "Lo Straniero", Goffredo Fofi, shkrimtarin italian, Nicola Lagioia, z. Luigi De Luca, shkrimtarin Ylljet Aliçka e të gjithë të pranishmit të këtij takimi kaq të veçantë.